पेरिस । पेरिस ओलम्पिकको समापन समारोहमा हलिउड सुपरस्टार टम क्रुजले आफ्नो अचम्मको स्टन्टले विश्वलाई चकित पारेका छन् । कार्यक्रममा टम क्रुज, स्नुप डग, डा ड्रे, बिली इलिश, रेड हट चिली पेपर्स र एचईआर थिए।
एल ए २८ लाई ओलम्पिक टर्च हस्तान्तरण गरेपछि प्रदर्शन, विशेष गरी टम क्रुजले घटनालाई अविस्मरणीय बनाएको तरिका अद्भूत थियो ।
हलिउडका एक्सन स्टार मानिने सुपरस्टार टम क्रुजले कार्यक्रममा आफ्नो स्टन्टले सबैलाई चकित पारेका छन् । स्टन्टका लागि चर्चित फिल्म सिरिज मिशन इम्पोसिबलका सुपरस्टार टम क्रुज कार्यक्रममा ब्राउन लेदर ज्याकेट लगाएर स्टेडियमको छतमा पुगे र त्यहाँबाट हाम फाले । क्रुजको यो स्टन्ट देखेर स्टेडियममा उपस्थित सबै छक्क परे ।
क्रुजको यो अनौठो स्टन्टले विश्वलाई चकित पारेको छ । टम क्रुजले डोरी प्रयोग गरेर स्टेडियमको छतबाट हाम फाले र बाइकमा पेरिसको सडकहरू घुमाए। त्यसपछि क्रुज सीधै बाइकको साथ विमानमा चढे जसले उनलाई लस एन्जलस पुर्यायो। हलिउड सुपरस्टार टम क्रुजले पनि आफ्नो भिडियो इन्स्टामा शेयर गरेका छन् ।
योसँगै पेरिस ओलम्पिक २०२४ सम्पन्न भएको छ । गएराति सम्पन्न पेरिस ओलम्पिकमा ९१ देशले पदक जितेका छन् । जसमा शरणार्थी टिमसहित २०५ देशले भाग लिएकोमा ६३ देशले स्वर्ण पदक जितेका छन् भने कुल ९१ देशले पदक जितेका छन् ।
पदक तालिकामा अमेरिका ४० स्वर्ण, ४४ रजत र ४२ कास्य पदक जितेर शीर्ष स्थानमा रह्यो । त्यस्तै अमेरिकालाई पछ्याउदै चीन ४० स्वर्ण, २७ रजत र २४ कास्य पदक जितेर दोस्रो स्थानमा रह्यो । चीन र अमेरिकाबीच कडा टक्कर रहेको भए पनि अमेरिकाले १२६ पदक जित्दा चीनले ९१ पदकमात्र जित्यो ।
त्यस्तै जापानले २० स्वर्ण, १२ रजत र १३ कास्य पदकसहित तेस्रो स्थानमा रह्यो भने अस्ट्रेलिया १८ स्वर्णसहित १९ रजत र १६ कास्य पदक जितेर चौथो स्थानमा रहेको छ । त्यस्तै आयोजक फ्रान्सले १६ स्वर्ण, २६ रजत र २२ कास्य पदक जितेर पाँचौं स्थानमा रहेको छ ।
त्यसैगरी नेदरल्याण्डसले १५ स्वर्ण ७ रजत र १२ कास्य पदकसहित छैठौं स्थानमा रहेको छ भने ग्रेट ब्रिटेन १४ स्वर्ण, २२ रजत र २९ कास्य पदकसहित सातौँ स्थानमा रहेको छ ।
त्यस्तै दक्षिण कोरियाले १३ स्वर्ण, ९ रजत र १० कास्य पदक जितेको छ भने इटालीले १२ स्वर्ण, १३ रजत र १५ कास्य पदक जितेको छ । त्यस्तै जर्मनीले १२ स्वर्ण, १३ रजत र ८ कास्य पदक जितेको छ भने न्यूजील्याण्डले १० स्वर्ण, ७ रजत र ३ कास्य पदक जितेको छ । त्यसैगरी क्यानडाले ९ स्वर्ण, ७ रजत र ११ कास्य पदक जितेको छ भने उज्बेकिस्तानले ८ स्वर्ण २ रजत र ३ कास्य पदक जितेको छ ।
त्यसैगरी हंगेरीले ६ स्वर्ण, ७ रजत र ६ कास्य पदक जितेको छ भने स्पेनले ५ स्वर्ण ४ रजत र ९ कास्य पदक जितेको छ । त्यसैगरी स्वीडेन, केन्या, नर्वे र आयरल्याण्डले ४-४ स्वर्ण पदक जितेका छन् भने ब्राजिल, इरान, युक्रेन, रोमानिया, जर्जिया, बेल्जियम, सर्बिया र चेक रिपब्लिकले ३-३ स्वर्ण पदक जितेका छन् ।
त्यस्तै डेनमार्क, अजरबैजान, क्रोएसिया, क्युबा, बहारान, स्लोभेनिया, चाइनिज ताइपेइ, अस्ट्रिया, हङकङ, फिलिपिन्स, अल्जेरिया, इन्डोनेसियाले २–२ स्वर्ण पदक जितेका छन् ।
त्यसैगरी इजरायल, पोल्याण्ड, काजखस्तान, जमैका, दक्षिण अफ्रिका, थाइल्याण्ड, इथियोपिया, स्वीट्जरल्याण्ड, इक्वेडर, पोर्चुगल, ग्रीस, अर्जेन्टिना, इजिप्ट, ट्युनिसिया, बोट्सवाना, चिली, सेन्ट लुसिया, युगाण्डा, ग्वाटेमाला, मोरक्को, डोमीनिका, पाकिस्तानले एक एक स्वर्ण पदक जितेका छन् ।
त्यसैगरी टर्की, मेक्सिको, अर्मेनिया, कोलम्बिया, काजखस्तान, उत्तर कोरिया, लिथुआनिया, कोसोभो, साइप्रस, फिजी, जोर्डन, मंगोलिया, पानामा, ताजखस्तान, अल्बानिया, ग्रेनाडा, मलेसिया, पुरेटो रिको, काबो भेर्डो, रिफ्युजी ओलम्पिक टिम, पेरु, कतार, सिंगापुर, स्लोभाकिया र जाम्बियाले पेरिस ओलम्पिकमा पदक जितेका छन् ।
