काठमाडौँ । नेपाली कांग्रेसका महामन्त्री गगनकुमार थापाले केपी शर्मा ओली नेतृत्वको सरकार निमार्ण गर्न आफू नलागेको बताउँदै सरकारको रक्षा गर्ने जिम्मा भने आफ्नो भएको बताएका छन् ।
प्रतिनिधि सभाको बैठकमा विशेष समय लिएर बोल्ने क्रममा नेपाली कांग्रेस र नेकपा एमालेका बीचमा नयाँ सरकार गठन प्रक्रियामा सामेल नभए पनि रक्षाका लागि भने आफू उभिने थापाले बताए ।
‘यो सरकार गठन प्रक्रियामा संलग्न सांसद म होइन तर यो सरकारको रक्षा मैले गर्नेछु,’ उनले भने ।
तर उनले सरकारले देखिने गरी काम भने गर्नुपर्ने बताए । उनले मन्त्रीहरुबीच आपसमा समन्वय गरेर साना साना देखिने कामहरु तत्काल गरेर जनतालाई सरकार भएको महसुस गराउन पनि आग्रह गरेका छन् ।
उनले मन्त्रीहरुले काम गर्दा प्रशंसा पनि गर्ने तर काम नगर्दा आलोचनासहित प्रश्न पनि गर्ने सांसद थापाले बताए ।