काठमाडौं । तेह्रथुममा बस दुर्घटना हुँदा ३ जनाको मृत्यु भएकाे छ । धरानबाट तेह्रथुमको म्यान्लुङ आउँदैगरेको ना ४ ख २८६५ नम्बरकाे बस गढीभीर भन्ने ठाउँमा दुर्घटना हुँदा २८ जना घाईते भएको जिल्ला प्रहरी कार्यालय तेह्रथुमका प्रहरी नायव उपरीक्षक भागेन्द्र पुरुष ढकालले बताए ।
मृतक मध्ये सिम्ले -७ का कुमान सिं लिम्बुकाे मात्रै सनाखत भएकाे छ । एक महिला र एक बालिकाकाे सनाखत हुन बाँकीरहेकाे प्रनाउ ढकालले जानकारी दिए ।
घाईते मध्ये ३ जनालाई उपचारका लागि बाहिर पठाएकाे र बाँकीकाे जिल्ला अस्पतालमा उपचार भइरहेको ढकालले बताए । उनका अनुसार बसमा ३५ यात्रु थिए । चालकलाई प्रहरीले नियन्त्रणमा लिएकाे छ ।
