-
-
-
-
काठमाडौँ । वेस्ट इन्डिजले दक्षिण अफ्रिका विरुद्धको टी–२० श्रृंखला क्लिन स्वीप गरेको छ ।
गएराति सम्पन्न श्रृंखलाको तेस्रो खेल वेस्ट इन्डिजले डक वर्थ लेविस नियमअनुसार ८ विकेटले जितेको थियो ।
वर्षाले प्रभावित खेलमा वेस्ट इन्डिजले पाएको ११६ रनको लक्ष्य ९.२ ओभरमा २ विकेट गुमाएर पूरा गरेको थियो । यसअघि दक्षिण अफ्रिकाले पहिला ब्याटिंग गर्दै १३ ओभरमा ४ विकेट गुमाउँदै १०८ रन बनाएको थियो ।
वेस्ट इन्डिजले यसअघि पहिलो खेल ७ विकेटले र दोस्रो खेल ३० रनले जितेको थियो ।
यो जितसँगै वेस्ट इन्डिजले टी–२० श्रृंखला ३–० ले जितेको छ । उत्कृष्ट प्रदर्शन गरेका वेस्ट इन्डिजका शाइ होप प्लेयर अफ द सिरिज बनेका थिए ।
