-
-
-
-
काठमाडौँ । स्पेनिश ला लिगा फुटबल अन्तर्गत बार्सिलोनाले फराकिलो जित हासिल गरेको छ । गएराति सम्पन्न खेलमा बार्सिलोनाले रियाल भल्लाडोलिडलाई ७–० गोल अन्तरले पराजित गरेको हो ।
बार्सिलोनाको जितमा राफिन्हाले ह्याट्रिक गरेका थिए भने रोबेर्ट लेवानडोस्की, जुलेस कोउन्डे, डानी ओल्मो र फेरान टोरेजले एक एक गोल गरेका थिए ।
यो जितपछि बार्सिलोनाले यस सिजनको ला लिगामा लगातार चौथो खेलमा जित हासिल गरेको छ ।
बार्सिलोनाको ४ खेलमा १२ अंक भएको छ र लिगमा शीर्ष स्थानमा रहेको छ । त्यस्तै रियाल भल्लाडोलिडको ४ खेलमा ४ अंक रहेको छ ।
गएरातिका अन्य खेलमा भ्यालेन्सिया र मयोर्का विजयी भएका छन् ।
