-
-
-
-
काठमाडौँ । स्पेनिश ला लिगा फुटबल अन्तर्गत रियाल मड्रिडले रियाल बेटिसलाई पराजित गरेको छ । गएराति सम्पन्न खेलमा रियाल मड्रिडले रियाल बेटिसलाई २–० गोल अन्तरले पराजित गरेको हो ।
रियाल मड्रिडको जितमा दुवै गोल केलियन एम्बाप्पेले गरेका हुन् । उनले खेलको ६७औं र ७५औं मिनेटमा गोल गरेका थिए ।
ला लिगामा एम्बाप्पेको चौथो खेलमा पहिलो पटक गोल गरेका हुन् । उनी यसै सिजन फ्रेन्च क्लब पीएसजी छाडेर रियाल आएका हुन् ।
रियाल मड्रिडको यस सिजनमा यो दोस्रो जित हो । यो जितपछि चार खेलमा रियाल मड्रिडको ८ अंक भएको छ र लिगमा दोस्रो स्थानमा रहेको छ ।
त्यस्तै रियाल बेटिसको भने ३ खेलमा २ अंक रहेको छ ।
