-
-
-
-
काठमाडौँ । स्पेनिश ला लिगा अन्तर्गत बार्सिलोनाले लगातार छैटौँ जित हासिल गरेको छ । गएराति सम्पन्न खेलमा बार्सिलोनाले भिल्लारियललाई ५–१ गोल अन्तरले पराजित गरेको हो ।
बार्साको जितमा रोबेर्ट लेवानडोस्की र राफिन्हाले २–२ गोल गरे भने पाब्लो टोरेले एक गोल गरेका थिए । त्यस्तै भिल्लारियलका लागि एक गोल आयोज पेरेजले गरेका थिए ।
गएरातिका अन्य खेलमा गेटाफेले लेगनेससँग १–१ गोलको बराबरी खेल्दा एथलेटिक क्लबले सेल्टाभिगोलाई ३–१ ले हरायो । रायो भाएकानो र एथलेटिको मड्रिडबीचको खेल भने १–१ गोलको बराबरीमा रोकियो ।
यो जितपछि बार्सिलोनाको ६ खेलमा १८ अंक भएको छ र लिगमा शीर्ष स्थानमा कायम छ । त्यसैगरी भिल्लारियलको ६ खेलमा ११ अंक रहेको छ र लिगमा पाँचौँ स्थानमा छ ।
रियाल मड्रिड १४ र एथलेटिक क्लब १३ अंकसहित क्रमशः दोस्रो र तेस्रो स्थानमा रहेका छन् । चौथो स्थानको एथलेटिको मड्रिडको १२ अंक छ ।
