-
-
-
-
काठमाडौँ । स्पेनिश ला लिगा फुटबल अन्तर्गत रियाल मड्रिड एथ्लेटिको मड्रिडसँग बराबरीमा रोकिएको छ ।
गएराति सम्पन्न मड्रिड डर्बीमा रियाल र एथ्लेटिकोसँग १–१ गोलको बराबरीमा रोकिएको हो ।
पहिलो हाफ गोलरहित बराबरीमा टुंगिएको खेलमा रियाल मड्रिडका लागि खेलको ६४औँ मिनेटमा इडर मिलिताओले गोल गरेका थिए । त्यस्तै एथ्लेटिको मड्रिडका लागि इन्जुरी समयपछि एंगल कोरियाले गोल गर्दै रियाल मड्रिडको जित खोसेका थिए ।
यस खेलमा ९० मिनेटको इन्जुरी समयपछि एथ्लेटिकोका मार्कोस लियोरेन्टले रातो कार्ड पाएका थिए ।
यो बराबरीपछि रियाल मड्रिडले बार्सिलोनासँगको दूरी घटाउने अवसर गुमाएको छ । यो खेलपछि रियाल मड्रिडको ८ खेलमा १८ अंक रहेको छ र लिगमा दोस्रो स्थानमा रहेको छ । त्यस्तै बार्सिलोना २१ अंकसहित शीर्ष स्थानमा रहेको छ ।
त्यसैगरी एथ्लेटिको मड्रिड १६ अंकसहित तेस्रो स्थानमा छ ।
