मुस्ताङको दूर्गम गाउँमा भीषण बाढी, ७ घण्टासम्म पनि पुग्न सकेन प्रहरी

प्रकाशित मिति : २०७३ पौष ३ आइतबार
काठमाडौं । मुस्ताङको दूर्गम भेगमा रहेको ढाक्मार भन्ने गाउँमा भीषण पहिरो गएको खबर छ । अहिलेसम्म सदरमुकामबाट भएको टोली पुग्न नसकेकोले पहिरो कत्ति ठूलो हो भन्ने यकीन नभएको जिल्ला प्रहरी कार्यालय मुस्ताङले जनाएको छ ।
 
विहान नौ बजेतिर पहिरो भएको जानकारी प्राप्त भएको भएपनि प्रहरी अझै घटनास्थलमा पुग्न नसकेको जिल्ला प्रहरी कार्यालय मुस्ताङका प्रहरी इन्सपेक्टर राजकुमार चौधरीले जानकारी दिए । सो ठाउँ सदरमुकामबाट झण्डै १० घण्टाको बाटोमा पर्छ । ‘अहिले बीचबाटो तिर पुगेका होलान्’ उनले भने ‘बाटो धेरै टाढा छ हिँडेर गएका छन्, सम्पर्क पनि भएको छैन । 
 
पहिरो के भएर गएको हो र यसबाट कति क्षति पुगेको छ भन्ने बारेमा भने अझै जानकारी प्राप्त नभएको प्रहरीले जनाएको छ । पहिरोले भौतिक क्षति भएकोभएपनि धेरै मानवीय क्षति नभएको विश्वास प्रहरीको छ । 
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ