-
-
-
-
काठमाडौँ । स्पेनिश ला लिगा फुटबल अन्तर्गत बार्सिलोनाले डेपोर्टिभो आल्भेजलाई पराजित गरेको छ । गएराति सम्पन्न खेलमा बार्सिलोनाले आल्भेजलाई ३–० गोल अन्तरले पराजित गरेको हो ।
बार्सिलोनाको जितमा रोबेर्ट लेवानडोस्कीले ह्याट्रिक गरेका थिए । लेवानडोस्कीले खेलको सातौं, २२औं र ३२औं मिनेटमा गोल गरेका थिए ।
यो जितपछि बार्सिलोनाको ९ खेलमा २४ अंक भएको छ र लिगमा शीर्ष स्थानमा रहेको छ ।
त्यस्तै आल्भेजको भने ९ खेलमा १० अंक रहेको छ र लिगमा १३औं स्थानमा छ ।
लिगमा रियाल सोसिडाड र एथलेटिको मड्रिडले १–१ गोलको बराबरी खेलेका छन् ।
लिगमा ९ खेलमा २१ अंकसहित रियाल मड्रिड दोस्रो स्थानमा रहेको छ भने १७ अंकबाट एथलेटिको मड्रिड तेस्रो स्थानमा छ ।
भिल्लारियल १७ अंकबाटै चौथो स्थानमा रहेको छ ।
