-
-
-
-
काठमाडौँ । स्पेनिश ला लिगा फुटबलमा रियाल मड्रिडले सेल्टाभिगोलाई पराजित गरेको छ । गएराति सम्पन्न खेलमा रियाल मड्रिडले सेल्टा भिगोलाई २–१ गोल अन्तरले पराजित गरेको हो ।
रियाल मड्रिडको जितमा केलियन एम्बाप्पे र भिनिसियस् जुनियरले एक एक गोल गरेका हुन् । त्यस्तै सेल्टाभिगोका लागि एक गोल विलियट स्वेडबर्गले गरेका थिए ।
फ्रेन्च खेलाडी एम्बाप्पले पछिल्ला खेलहरुमा निरन्तर गोल गरेका छन् । यो जितपछि रियाल मड्रिडको १० खेलमा २४ अंक भएको छ र लिगमा दोस्रो स्थानमा रहेको छ ।
शीर्ष स्थानमा रहेको बार्सिलोनाको ९ खेलमा २४ अंक रहेको छ । त्यसैगरी सेल्टा भिगोको १० खेलमा १३ अंक रहेको छ र लिगमा दशौँ स्थानमा छ ।
गएरातिका अन्य खेलमा रियाल भल्लाडोलिडले डेपोर्टिभो अलाभेसलाई ३–२ ले हरायो । एथलेटिक क्लबले स्पानियोललाई ४–१ ले हरायो ।
रियाल बेटिसले ओसासुनालाई २–१ ले हरायो । रियाल सोसिडाडले गिरोनालाई १–० ले हरायो ।
