'रेड सी'मा समुन्द्री मार्गको सुरक्षा गर्न इजिप्टको आग्रह

हाम्रा कुरा

प्रकाशित २०८१ कार्तिक ६ मंगलबार

काठमाडौँ । इजिप्टका विदेशमन्त्री बद्र अब्देलाट्टीले सोमबार रेड सीमा समुन्द्री मार्गको सुरक्षा सुनिश्चित गर्न आह्वान गरेका छन् । इजिप्टको राष्ट्रिय सुरक्षासँग प्रत्यक्ष सम्बन्ध जोडिएकाले समुन्द्री मार्गको सुरक्षा गर्न आग्रह गरेका हुन् ।

इजिप्टको विदेश मन्त्रालयले अब्देलाट्टीले यमनका लागि संयुक्त राष्ट्रसङ्घका विशेष दूत हान्स ग्रुन्डवर्गसँग कायरोमा भएको भेटमा उक्त टिप्पणी गरेको जनाएको छ ।

अब्देलाट्टीले यमनी जनताको आकाङ्क्षा पूरा गर्ने र उनीहरूको मानवीय पीडाको अन्त्य गर्ने तरिकाले यमनी सङ्कटको व्यापक राजनीतिक समाधानमा पुग्ने उद्देश्यका लागि सबै प्रयासहरूको लागि इजिप्टको समर्थन व्यक्त गरे ।

रेड सी तनावले सिपर्सहरूलाई स्वेज नहरबाट टाढा वैकल्पिक नेभिगेसन मार्गहरू खोज्न बाध्य बनाएको छ । जुन इजिप्टको लागि राष्ट्रिय राजश्वको महत्त्वपूर्ण स्रोत हो ।