-
-
-
-
काठमाडौँ । यूईएफए च्याम्पियन्स लिग फुटबल अन्तर्गत फ्रेन्च क्लब पेरिस सेन्ट जर्मेन पीएसजी बराबरीमा रोकिएको छ ।
गएराति सम्पन्न खेलमा पीएसजी डच क्लब पीएसभी आइन्डहोभनसँग १–१ गोलको बराबरीमा रोकिएको हो ।
पीएसभीले खेलको ३४औँ मिनेटमा नोआ लांगको गोलमा शुरुवाती अग्रता लिएकोमा पीएसजीका लागि असरफ हाकिमीले खेलको ५५औँ मिनेटमा गोल गर्दै खेल बराबरी गरेका थिए ।
यो पीएसजीको यस सिजनमा पहिलो बराबरी हो । यो बराबरीपछि पिएसजीको ३ खेलमा ४ अंक भएको छ र लिगमा १७ औँ स्थानमा रहेको छ ।
त्यसैगरी पीएसभीको भने ३ खेलमा २ अंक छ र लिगमा २७ औँ स्थानमा छ । जारी च्याम्पियन्स लिगमा ३६ टिम रहेका छन् ।
