-
-
-
-
काठमाडौँ । इङ्गलिश प्रिमियर लिग फुटबलमा म्यानचेस्टर सिटीले साउथह्याम्पटनलाई पराजित गरेको छ ।
गएराति सम्पन्न खेलमा म्यानचेस्टर सिटीले साउथह्याम्पटनलाई १–० गोल अन्तरले पराजित गरेको हो ।
सिटीको जितमा खेलको पाँचौँ मिनेटमा इर्लिंग हालाण्डले गरेको गोल नै खेलको निर्णायक गोल बनेको थियो ।
यो जितपछि सिटीको ९ खेलमा २३ अंक भएको छ र लिगमा शीर्ष स्थानमा उक्लिएको छ । त्यस्तै साउथहम्पटनको भने ९ खेलमा एक अंक रहेको छ र लिगमा पुछारमा रहेको छ ।
लिगका अन्य खेलमा लेस्टर सिटी घरेलु मैदानमा नटिंघम फरेस्टसँग ३–१ ले पराजित भयो । ब्रेन्टफोर्ड इप्सिविच टाउनसँग ४–३ ले पराजित भयो ।
त्यसतै एस्टनले बर्नमाउथसँग, ब्राइटनले वुल्भ्ससँग र एभर्टनले फुल्हमसँग बराबरी खेल्यो ।
लिगमा आज आर्सनलले लिभरपुलसँग खेल्दैछ । खेल राति १०ः१५ बजे हुनेछ । चेल्सीले घरेलु मैदानमा पौने ८ बजे न्यूकासल युनाइटेडसँग खेल्नेछ ।
त्यस्तै म्यानचेस्टर युनाइटेडले वेष्टह्याम युनाइटेडसँग र टोटनह्याम हट्सपरले क्रिस्टल प्यालेससँग खेल्दैछ ।
अंकतालिकामा लिभरपुल ८ खेलबाट २१ अंकसहित दोस्रो स्थानमा छ ।
