-
-
-
-
काठमाडौँ । इङ्गलिश प्रिमियर लिग फुटबलको सफल टिम म्यानचेस्टर युनाइटेडको पछिल्लो समय साख गिर्दै गएको छ । म्यानयु गएराति वेस्ट ह्यामसँग पराजित भएको छ ।
खेलमा वेस्ट ह्यामले म्यानचेस्टर युनाइटेडलाई २–१ गोल अन्तरले पराजित गरेको हो । वेस्ट ह्यामको जितमा क्राइसेनसियो र जारोड बोवेनले एक एक गोल गरेका थिए । त्यस्तै म्यानचेस्टर युनाइटेडका लागि क्यासेमिरोले एक गोल गरेका थिए ।
यस खेलमा खेलको ९२ औँ मिनेटमा वेस्ट ह्यामले पाएको पेनाल्टीबारे विवाद भएको छ । भार रिभ्युले पेनाल्टी दिएपछि म्यानचेस्टर युनाइटेडले हार बेहोरेको थियो ।
यो जितपछि वेस्टह्यामको ९ खेलमा ११ अंक भएको छ र लिगमा १३औं स्थानमा छ । त्यस्तै म्यानचेस्टर युनाइटेडले भने यस सिजनमा चौथो हार बेहोरेको छ । ९ खेलमा ११ अंक रहेको म्यानचेस्टर युनाइटेड लिगमा १४औँ स्थानमा रहेको छ ।
