म्यानयु र चेल्सी भिड्दै, म्यानसिटीको हारले लिभरपुल फाइदामा

हाम्रा कुरा

प्रकाशित २०८१ कार्तिक १८ आइतबार

काठमाडौँ । म्यानचेस्टर सिटी इङ्गलिश प्रिमियर लिग अन्तर्गतको खेलमा बर्नमाउथसँग पराजित भएको छ । गएराति सम्पन्न खेलमा म्यानसिटी बर्नमाउथसँग २–१ गोल अन्तरले पराजित भएको हो ।

बर्नमाउथको जितमा एन्टोनी सेमेनयो र इभानिल्सनले एक एक गोल गरेका थिए । त्यस्तै म्यानसिटीका लागि जोसको गाभर्डिओलले एक गोल गरेका थिए ।

यो जितपछि बर्नमाउथको १० खेलमा १५ अंक भएको छ र लिगमा आठौँ स्थानमा छ । त्यस्तै म्यानचेस्टर सिटीको भने १० खेलमा २३ अंक रहेको छ र दोस्रो स्थानमा रहेको छ ।

सिटीको हारले लिभरपुललाई फाइदा भएको छ १० खेलबाट २५ अंकसहित लिभरपुल शीर्ष स्थानमा छ ।

आज दुई खेल हुँदैछन् । पहिलो खेल बेलुकी पौने ८ बजे टोटनह्याम हट्सपरले एस्टन भिल्लासँग र राति १०ः१५ बजे म्यानचेस्टर युनाइटेडले घरेलु मैदानमा चेल्सीसँग खेल्नेछ ।

चेल्सी ९ खेलमा १७ अंकसहित छैटौँ स्थानमा छ भने म्यानयु ९ खेलमा ११ अंकसहित १३ औँ स्थानमा छ ।