-
-
-
-
पोखरा । पाल्पामा आज दिउँसो मोटरसाइकल दुर्घटना हुँदा एक युवतीको ज्यान गएको छ । मृत्यु हुनेमा तानसेन नगरपालिका-७ प्रभासकी २७ वर्षीया सावित्रा थापा छन् ।
मोटरसाइकलको पछाडि सवार सावित्रा गम्भीर घाइते भएकी थिइन् । उनको उपचारकै क्रममा ज्यान गएको प्रहरी निरीक्षक बेल्वासेले जानकारी दिए ।
पाल्पाको तानसेन नगरपालिका वडा नं ८ गौडेस्थित सिद्धार्थ राजमार्गमा बुटवलबाट पाल्पातर्फ आउँदै गरेको लु८८प ५५६५ नम्बरको मोटरसाइकल अनियन्त्रित भई दुर्घटना भएको प्रहरीले जनाएको छ ।
मोटरसाइकल राजमार्गदेखि करिब ५० मिटर तल खोलामा खसेको । जिल्ला प्रहरी कार्यालय पाल्पाका प्रहरी निरीक्षक सन्दीप बेल्वासेले जानकारी दिए ।
दुर्घटनामा मोटरसाइकल चालक ४३ वर्षीय ईन्दबहादुर गाहा गम्भीर घाइते भएका छन् । उनको लुम्बिनी मेडिकल कलेज प्रभासमा उपचार भइहरेको छ । दुर्घटनाबारे आवश्यक अनुसन्धान गरिरहेको प्रहरीले जनाएको छ ।
