-
-
-
-
काठमाडौँ । साउदी प्रो लिग फुटबल अन्तर्गत अल हिलालको अपराजित यात्रा कायम रहेको छ । गएराति सम्पन्न खेलमा अल हिलालले अल इत्तिफाकलाई ३–१ गोल अन्तरले पराजित गरेको छ ।
अल हिलालको जितमा अलेक्जेन्डर मिट्रोभिक, माल्कम र मोहमद अल क्व्हटानीले एक एक गोल गरेका थिए ।
त्यस्तै अल इत्तिफाकका लागि एक गोल भिक्टर सान्तोसले गरेका थिए । यस खेलमा ९० मिनेटपछिको इन्जुरी समयमा अल इतीफाकका अब्दुल्लाह राडिफले रातो कार्ड पाएका थिए ।
यो जितपछि अल हिलालको १० खेलमा २८ अंक भएको छ र लिगमा शीर्ष स्थानमा कायम छ । त्यस्तै अल इत्तिफाकको १० खेलमा ११ अंक रहेको छ र लिगमा ११औं स्थानमा रहेको छ ।
