मानव तस्करीमा पक्राउ परेका पूर्वमन्त्री अधिकारीलाई दुई दिन हिरासतमा राख्न अनुमति [तस्बिर]
हाम्रा कुरा
प्रकाशित २०८१ कार्तिक २५ आइतबार
949
Shares
काठमाडौँ । आइतबार मानव तस्कर आरोपमा पक्राउ परेका पूर्वमन्त्री एवं नेकपा एमालेका कोशी प्रदेश सांसद लिलाबल्लभ अधिकारीलाई अदालतले दुई दिन हिरासतमा राखेर अनुसन्धान गर्न अनुमति दिएको छ ।
बिहान मोरङको विराटनगरबाट पक्राउ परेका अधिकारीलाई हवाईमार्गबाट काठमाडौँ ल्याइ आइतबार नै अदालतमा उपस्थित गराइएको थियो । अदालतले दुई दिन हिरासतमा राखेर अनुसन्धान गर्न प्रहरीलाई अनुमति दिएको छ।
उनलाई प्रहरीले बरगाछीस्थित निवासबाटै पक्राउ गरेको थियो । उनले असम्बन्धित मानिसहरुलाई जापानमा लिएर गएको आरोप छ । जापान भ्रमण मन्त्रिपरिषद्बाट स्वीकृत नगराई उनी असम्बन्धित मानिसहरु लिएर गएका थिए ।
यसै कसूरमा प्रकाउ परेका अन्य ६ जनालाई पनि अदालतले अनुसन्धान गर्न प्रहरीलाई दुई दिनको समय दिएको छ।
सो आरोपमा जापानको एयरपोर्टबाटै उनलाई नेपाल फर्काइएको थियो । उनीमाथि मानव तस्करको आरोप लागेपछि कानून मन्त्री भएका उनले राजीनामा दिएका थिए । त्यस लगत्तै एमालेलेसमेत उनलाई कारबाही गरेको छ ।
उनलाई एमालेले साधारण सदस्यसमेत नरहने गरी पार्टीबाट निलम्बन गरेको हो ।
