आफ्नै मन्त्रीले ल्याएको ऐनविरुद्ध उत्रियो श्रमिक काँग्रेस

प्रकाशित मिति : २०७३ पौष १० आइतबार

विराटनगर । औधोगिक क्षेत्रमा कानुनी रुपमा बन्द हडताल गर्न नपाउने तथा नो वर्क नो पेको विरोध गर्दै नेपाली कांग्रेसनिकट नेपाल कारखाना श्रमिक संघले दोश्रो चरणको आन्दोलन घोषणा गरेको छ ।

संघले विराटनगरमा पत्रकार सम्मेलनगरी औधोगिक  व्यवसाय सम्बन्धि ऐनमा भएको श्रमिक विरोधी दफाहरु खारेज गर्न भन्दै  श्रमिकसंघले आन्दोलनको घोषणा गरेको हो ।

सामाजिक सुरक्षा ऐन र श्रम ऐन संसदमा छलफलमा रहेकाले यो जस्ताको त्यस्तै लागु भए श्रमिकहरु मारमा पर्ने भन्दै संघले ऐन खारेज हुनुपर्ने माग राखेको छ ।

संघले पुष मसान्तदेखि माघ–१६ सम्म दबाब मुलक कार्यक्रम घोषणा गरेको छ । विरोध कार्यक्रममा पर्चापम्पलेट वितरण, नेपाली काँग्रेसको पार्टी कार्यालयमा ज्ञापनपत्र बुझाउने, हातमा कालोपट्टी बाँधेर कामगर्ने जस्ता कार्यक्रम घोषणा गरेका छन् ।

यसैगरी, सरकारले निजिकरण गर्न लागेका उद्योगलाई सरकारले आफै संचालन गर्न समेत श्रमिकहरुले माग गरेका छन् । शान्तिपूर्ण  आन्दोलन गर्दा समेत सरकारले आफना मागहरुलाई सम्बोधन नगरे फागुनको दोश्रो साता देखि उद्योग कलकारखाना समेत बन्द गर्ने संघको चेतावनी छ  ।

संघका राष्ट्रिय अध्यक्ष धिरेन्द्र कुमार साहले आफुहरु नेपाली काँग्रेसको सुभेच्छुक संस्था भएपनि माग सम्बोधनका लागि काँग्रेसले पहल नगरेको गुनासो गरे ।  

संघका सह–कोषाध्यक्ष जर्नादन निरौलाले सामाजिक सुरक्षा ऐनलाई परिमार्जन नगरीकन पारित गरिए यसले मजदुरलाई मात्र नभई  पत्रकारिता क्षेत्रलाई समेत असर गर्ने बताए । संघमा ४० हजार मजदुर आवद्ध छन् ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ