राजविराज । सप्तरीको बोरिया गाविसमा आगलागी हुँदा पाँच लाख मूल्य बराबरको क्षति भएको छ । जिल्लाको बोरिया–२ बस्ने सूर्यनारायण मण्डलको गाईगोठमा बालेको घुरबाट अचानक सल्केको आगोबाट निजका चारवटा घर जलेर नष्ट भएको प्रहरीले जनाएको छ ।
साथै, घरभित्र रहेका अन्नपात, लत्ताकपडा, भाँडावर्तन र तीनवटा साइकल जलेर नष्ट भएको छ ।
त्यस्तै, सोही आगोमा परी गोठमा रहेका आठवटा बाख्रासमेत जलेको जिल्ला प्रहरी कार्यालयले जनाएको छ ।
आगोलाई स्थानीयवासी र प्रहरीले निभाएका थिए । रासस