राजावादीको तीनकुने हिंसामा संलग्न भएको अभियोगमा थप २४ जना पक्राउ
हाम्रा कुरा
प्रकाशित २०८१ चैत १९ मंगलबार
3.4k
Shares
काठमाडौँ । प्रहरीले काठमाडौँको तीनकुने घटनामा संलग्न रहेको अभियोगमा थप २४ जनालाई पक्राउ गरेको छ । गत चैत १५ गतेको तीनकुनेमा आयोजिक राजावादीको तीनकुने हिंसामा हिंसात्मक प्रदर्शन, अराजक गतिविधि र तोडफोडको घटनामा संलग्न भएको आरोपमा थप २४ जनालाई पक्राउ गरिएको जिल्ला प्रहरी परिसर काठमाडौँका प्रवक्ता एवं प्रहरी उपरीक्षक अपिलराज बोहराले जानकारी दिए ।
उनले भने, “उक्त घटनामा संलग्न रहेको अभियोगमा थप २४ जना पक्राउ परेका छन्, यसअघि ४१ जनालाई पक्राउ गरी म्याद थप गरेर अनुसन्धान अघि बढाइएको छ ।”
उनीहरूलाई काठमाडौँका विभिन्न स्थानबाट पक्राउ गरिएको जिल्ला प्रहरी परिसरले जनाएको छ ।
घटनाका मुख्य नाइके विवादित मेडिकल व्यवसायी दुर्गा प्रसाईं भने अझै फरार छन् ।
