परराष्ट्रमन्त्री महत भारतमा, स्वराजलाई भेट्न जाँदा राज्यमन्त्री भेटिए

प्रकाशित मिति : २०७३ माघ ४ मंगलबार
तस्वीर : परराष्ट्र मन्त्रालयकाे ट्ववीटरबाट

काठमाडौं । परराष्ट्रमन्त्री प्रकाशशरण महतले भारतीय विदेश राज्यमन्त्री भीके सिंहलाई भेटेका छन् । भारतको एक बौद्धिक जमातले आयोजना गरेको सम्मेलनमा भाग लिन दिल्ली पुगेका परराष्ट्रमन्त्री महतले भारतीय समकक्षी सुष्मा स्वराज विरामी रहेका कारण राज्यमन्त्रीसँग भेट गरेको बताइएको छ ।

विरामी भएका कारण स्वराज मन्त्रालयमा उपस्थित हुन सकेकी छैनन् । परराष्ट्रमन्त्री महतसँग भारतका लागि नेपाली राजदूत दीपकुमार उपाध्याय पनि भेटमा सहभगि भए । भारतीय सत्तारुढसँगको भेटका क्रममा परराष्ट्रमन्त्री महतले भारतीय नोट प्रतिबन्धले नेपालमा परेको असरबारे कुराकानी गर्ने छन्  

भारतले ५ सय र हजारका नोट प्रतिबन्ध गरी नयाँ २ हजार दरको नोट निष्कासन गरेको छ । भारतीय नोटबन्दीले नेपालमा जिन्सि तस्करी मौलाएको छ । केही दिन अघि मात्रै विभिन्न स्थानबाट प्रहरीले सुन र विदेशी मुद्रासहित विदेशी तथा नेपाली नागरिकलाई पक्राउ गरेको थियो ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ