इजरायललाई गाजामा सैन्य कारबाही रोक्न सुरक्षा परिषद्का १४ सदस्यको आह्वान
हाम्रा कुरा
प्रकाशित २०८२ भदौ १३ शुक्रबार
1.5k
Shares
काठमाडौँ । संयुक्त राष्ट्र सुरक्षा परिषद्का १४ सदस्य राष्ट्रहरूले गाजामा तत्काल र स्थायी युद्धविरामका साथै सैन्य कारबाही विस्तार गर्ने इजरायलको निर्णयलाई उल्टाउन आह्वान गरेका छन्।
अमेरिकाबाहेक यी देशहरूले गाजामा मानवीय सहायताको ठोस वृद्धि गर्न र हमास तथा अन्य समूहहरूद्वारा बन्धक बनाइएका सबैलाई तत्काल, सम्मानजनक र बिनाशर्त रिहा गर्न माग गरेका छन्।
यस आह्वानमा सहभागी राष्ट्रहरूमा अल्जेरिया, चीन, डेनमार्क, फ्रान्स, ग्रीस, गुयाना, पाकिस्तान, पानामा, कोरिया गणतन्त्र, रूस, सियरा लियोन, स्लोभेनिया, सोमालिया र संयुक्त अधिराज्य रहेका छन्। उनीहरूले गाजा सहर कब्जा गर्ने उद्देश्यले इजरायलले आफ्नो सैन्य कारबाहीलाई थप विस्तार गर्ने निर्णयलाई तुरुन्तै उल्टाउन पनि आग्रह गरेका छन्।
