इम्बोस्ड नम्बर प्लेट नेपाली भाषामा नै हुनुपर्ने भाषा आयोगको जोड
हाम्रा कुरा
प्रकाशित २०८२ भदौ १८ बुधबार
687
Shares
काठमाडौँ। भाषा आयोगले सवारी साधनमा जडान गरिने इम्बोस्ड नम्बर प्लेट नेपाली भाषामा नै हुनुपर्नेमा जोड दिएको छ। नेपालको संविधानको धारा ७ (१) मा सरकारी कामकाजको भाषा नेपाली हुने स्पष्ट व्यवस्था रहेको भन्दै आयोगले नम्बर प्लेट अंग्रेजी भाषामा बनाउने व्यवस्थाप्रति आपत्ति जनाएको छ।
आयोगले संविधानले नचिनेको भाषा र लिपिमा नभई देवनागरी लिपिमा नै इम्बोस्ड नम्बर प्लेट राख्नुपर्ने संवैधानिक व्यवस्थाबारे सरकारलाई ध्यानाकर्षण गराएको छ।
यस विषयमा सर्वोच्च अदालतले २०८१ असार ९ मा गरेको फैसलालाई पनि आयोगले सन्दर्भ दिएको छ। उक्त फैसलामा संविधानको धारा ७ (३) मा भाषासम्बन्धी अन्य कुरा भाषा आयोगको सिफारिसमा सरकारले निर्णय गरेबमोजिम हुने स्पष्ट उल्लेख भएको बताइएको छ।
भाषा आयोगका अध्यक्ष डा. गोपाल ठाकुरका अनुसार, आयोगको भदौ १ को निर्णयानुसार देवनागरी लिपिमा विद्युतीय सङ्केत सङ्ख्या राख्न सरकारको पुनः ध्यानाकर्षण गराइएको छ।
