न्यूयोर्क । अमेरिकी राष्ट्रपति डोनाल्ड ट्रम्पले सर्वोच्च अदालतमा पनि हस्तक्षेप बढाएका छन् । उनले नेल गोर्सचलाई सर्वोच्च अदालतमा मनोनयन गरेका छन् । ४९ वर्षीय गोर्सच कोलोराडो राज्यका न्यायाधीश हुन् ।
यदि उनी सर्वोच्चमा प्रवेश गरे भने स्वर्गीय न्यायाधीश एन्टोनिन स्कालियाको ठाउँ ओगट्ने छन् ।
गोर्सचको मनोनयन भने सिनेटबाट पारित हुनुपर्छ । डेमोक्रेटिक पार्टीका सांसदहरुले भने अति कन्जरभेटिभ भयो भने संसद नै अवरुद्ध गर्ने चेतावनी दिइसकेका छन् ।
डेमोक्रेटिकले ट्रम्पले मनोनित गरेका मन्त्रीहरुको मतदान प्रक्रियासमेत अवरुद्ध गरेको छ । मनोनित स्वास्थ्य मन्त्री टम प्राइस र अर्थ मन्त्री स्टेफेन मनुशिनको आर्थिक गतिविधिको बारेमा थप जानकारी माग्दै डेमोक्रेटिकले मतदान प्रक्रिया बहिष्कार गरेको हो ।
