नयाँदिल्ली । भारतमा सोमबार राति गएको ५.८ रेक्टर स्केलको भूकम्पले नयाँ दिल्ली ३० सेकेन्डसम्म हल्लिएको छ । उत्तराखण्डको रुद्रप्रयागमा जमिनदेखि ३३ किलोमिटर गहिराइमा केन्द्रबिन्दू रहेको भूकम्पले कुनै क्षतिको विवरण भने आइसकेको छैन ।
स्थानीय समयअनुसार राति १०ः३३ बजे गएको भूकम्पको झड्का उत्तराखण्ड, पञ्जाव, उत्तरप्रदेश लगायतमा महसुस गरिएको थियो ।
भूकम्पका कारण रातारात मानिस घरबाहिर निस्किएका थिए ।
भूकम्पको झड्का नेपालको सुदूरपश्चिम क्षेत्रमासमेत महसुस गरिएको थियो ।
