काबुलमा आत्मघाती विष्फोट, कम्तीमा २० जनाको मृत्यु, ४५ घाइते
प्रकाशित मिति : २०७३ माघ २५ मंगलबार , २,६५८ पटक हेरिएको
तस्वीर–एजेन्सी
काबुल । अफगानिस्तानको राजधानी काबुलमा रहेको एक अदालत नजिकै मङ्गलबार गराइएको आत्मघाती बम आक्रमणमा परी कम्तिमा २० जनाको मृत्यु भएको छ ।
आक्रमणमा कम्तिमा ४५ जना घाइते भएको काबुल प्रहरीले जनाएको छ ।
घाइतेहरुको अवस्था गम्भीर भएकाले मृतकको संख्या बढ्न सक्ने अस्पताल स्रोतलाई उधृत गर्दै काबुल प्रहरीले जनाएको छ । घाइतेहरुको अंगभंग भएकोसमेत जनाइएको छ ।
एक जना आत्मघाती आक्रमणकारीले अदालतका कर्मचारीलाई लक्षित गरी विस्फोट गराएको अफगानिस्तानको गृह मन्त्रालयका प्रवक्ता नजिवुल्लाह डेनिसले बताए ।
आक्रमणकारी पैदल अदालत परिसरमा प्रवेश गरेको र अदालतको गाडी पार्किङ क्षेत्रमा विस्फोट गराएको डेनिसले जनाए ।
अफगानिस्तानमा विद्रोही समूह तालिबानले आत्मघाती आक्रमण गराउँदै आएको छ ।
