बाबुरामले भने–संविधान संशोधन नभइ निर्वाचन भए मुठभेड

प्रकाशित मिति : २०७३ माघ २६ बुधबार

हेटौंडा । नयाँ शक्ति पार्टी केन्द्रीय संयोजक बाबुराम भट्टराईले संविधान संशोधन विना निर्वाचन भए देशमा मुठभेड हुने जिकिर गरेका छन् । प्रेस सोसाईटी मकवानपुरले गरेको पत्रकार भेटघाटमा संशोधन विना निर्वाचन भए मुठभेड हुने बताउँदै उनले यसतर्फ नलाग्न दलहरुलाई सुझाए ।

तीन तहको निर्वाचनका लागि दलहरुबीच न्यूनतम सहमति जरुरी रहेको उनको भनाई छ । भट्टराईले संविधान संशोधन नभई निर्वाचन असम्भव रहेकाले यसका लागि दलहरुबीच न्यूनतम सहमति आवश्यक रहेको भट्टराईले बताए । प्रत्यक्ष निर्वाचित राष्ट्रपति र समानुपाति निर्वाचन प्रणालीले मात्रै राजनैतिक समस्या अन्त्य गर्ने भएकाले संशोधनका क्रममा यसलाई समेट्नुपर्ने नेता भट्टराईको भनाई छ ।

ठूला दलहरु आफ्नै नेतृत्वमा चुनाव गर्ने रणनीतिमा रहेकाले संक्रमणकाल लम्बिएको भन्दै उनले च्याँखे थाप्ने प्रवृत्ति अन्त्य हुनुपर्ने बताए । स्वतन्त्र र निष्पक्ष निर्वाचनमा जोड दिंदै उनले दलहरुलाई एकअर्कामा शंका भए निर्वाचनको निष्पक्षताका लागि सर्वदलीय अन्तरिम सरकार गठन गर्न सकिने बताए ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ