पग्लियो एमाले, सबै दललाई चुनावमा आउन भन्यो !

प्रकाशित मिति : २०७३ फाल्गुण १० मंगलबार
फाइल : तस्वीर

काठमाडौं । एमाले स्थायी समिति बैठकले सरकारले घोषणा गरेको निर्वाचनको स्वागत गर्दै सबै दललाई चुनावमा आउन भनेको छ । अनौपचारिक रुपमा बसेको बैठकले सबै दललाई चुनावमा आउन आग्रह गरेको एमाले सचिव एवं प्रचार विभाग प्रमुख योगेश भट्टराईले जानकारी दिए ।

बैठकले निर्वाचनको सुनिश्चिततातिर लाग्न तथा कानुनी र प्रादेशिक वातावरण तयार पार्न सरकारको ध्यानाकर्षण पनि गराएको भट्टराईले बताए । यस्तै, बैठकले आफ्ना पार्टी कार्यकर्तालाई निर्वाचनको तयारीमा लाग्न निर्देशन दिएको छ । भट्टराईले भने, ‘विशेषतः निर्वाचनको सुनिश्चितताको लागि पुनःसंरचना आयोगले दिएको प्रतिवेदन कार्यान्वयन गर्न आग्रह गरिएको छ । सबै प्रदेशमा स्थानीय तहको मापदण्ड एउटै हुनुपर्ने हाम्रो मान्यता हो ।’

हामीले स्थानीय तहकाे संख्या नथप्न भनेका छाैँ । निर्वाचनलाई प्रतिकुल असर गर्ने गरी काम नगर्न र संविधान संशोधन विधेयक अघि नबढाउन हामीले भनेका छौ, भट्टराईले हाम्राकुरासँग भने ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ