हिरासतमा दुईको हत्या गरेको आरोपमा नौ भारतीय प्रहरीलाई मृत्युदण्डको सजाय
हाम्रा कुरा
प्रकाशित २०८२ चैत २४ मंगलबार
2k
Shares
नयाँदिल्ली । भारतीय अदालतले कोभिडको माहामारीको समयमा हिरासतमा लिएका दुई जनाको हत्या गरेको आरोपमा नौ जना प्रहरीलाई मृत्युदण्डको सजाय सुनाएको छ ।
केन्द्रीय अनुसन्धान ब्युरो (सीबीआई) को विज्ञप्ति अनुसार तमिलनाडु राज्यको मदुराईका जिल्ला न्यायाधीशले मङ्गलबार व्यापारी जयराज र उनका छोरा बेनिक्सको हिरासतमा हत्या भएको घटनामा अधिकारीहरूलाई दोषी गरेका थिए ।
जेल जीवन बिताइरहेका उनीहरुलाई प्रहरी अधिकारीहरूले क्रूर यातना दिएर हत्या गरेको जनाइएको छ ।
मिडिया रिपोर्टका अनुसार मोबाइल पसल चलाउने उनीहरूलाई कोभिड–१९ महामारीको समयमा लकडाउनका क्रममा अनुमति दिइएको समय भन्दा बढी समय आफ्नो पसल खुला राखेको आरोपमा पक्राउ गरिएको थियो ।
उनीहरुको हत्या पछि तमिलनाडु सरकारले मुद्दा सीबीआईमा हस्तान्तरण गरेको थियो भने सीबीआईले ९० दिन भित्र नौ अधिकारीहरू विरुद्ध आरोपको अनुसन्धान गरेको जनाइएको छ ।
सुनुवाइको क्रममा, सीबीआईले ५० जना भन्दा बढी साक्षीहरूको जाँच गरेको उल्लेख गर्दै घटनाले जन–भावनामा खेलवाड गरेको भन्दै कडा सजायको सुनिश्चित गरेको तर्क दिएको छ ।
हत्यामा संलग्न नौ जना अभियुक्तलाई हत्या र प्रमाण नष्ट गरेको अभियोगमा दोषी ठहर गरिएको जनाइएको छ । भारतमा यसअघि बसमा एक महिलाको सामूहिक बलात्कार र हत्या गरेको आरोपमा चार जनालाई अन्तिम मृत्युदण्ड दिइएको थियो ।
