ट्रम्पको अमेरिकी कंग्रेसमा पहिलो संवोधन, अमेरिकी उत्साह फर्काउने प्रण

प्रकाशित मिति : २०७३ फाल्गुण १८ बुधबार

न्यूयोर्क । अमेरिकी राष्ट्रपति डोनाल्ड ट्रम्पले अमेरिकालाई नयाँ अध्यायमा लगिने बताएका छन् । पहिलो पटक कंग्रेसमा बोल्दै ट्रम्पले नयाँ जोशका साथ अमेरिकी उत्साह फर्काउने प्रणसमेत गरेका छन् । स्थानीय समयअनुसार मंगलबार राति लामो संवोधन गर्ने क्रममा ट्रम्पले ‘हामी अपराधविरुद्ध एक जुट भएर लाग्नुपर्छ’ भने ।


उनले अमेरिका र मेक्सिकोको सीमामा पर्खाल लगाउने काम सुरु गर्न पनि निर्देशन दिएका छन् । त्यस्तै उनले नयाँ प्रवासी नियम लागु गर्ने बताएका छन् । उनले मजदूरको तलव बढाइने तर आप्रवासीको भीड मुलुकमा रहन नदिने प्रतिवद्धता जनाएका छन् ।


औसत भन्दा लामो समय भाषण गर्ने क्रममा उनले अमेरिकीहरु अब अपराध र गलत गतिविधि रोक्न पनि एक हुनुको विकल्प छैन भने ।


ट्रम्पले जतिसुकै ऐक्यवद्ध हुन आग्रह गरे पनि हरेक क्षेत्रलाई गाली गर्ने भएकाले पनि उनीसंग सहमत हुने अवस्था तत्काल देखिदैन । उनी फेरि पनि संचारकर्मीसंग भड्किएका छन् ।

संवोधनका क्रममा उनले सांसदहरुलाई यो विभाजनमा लाग्ने समय नभएको पनि बताएका छन् । उनले अमेरिकामा भइरहेका हिंसाका घटनाको आफूले गम्भीर रुपले नियालिरहेको पनि बतााएका छन् ।
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ