पुरानो बानेश्वरमा केएमसीको निःशुल्क स्वास्थ्य शिविर, ६३० जना लाभान्वित
हाम्रा कुरा
प्रकाशित २०८३ वैशाख ९ बुधबार
830
Shares
काठमाडौँ । नेपाली कांग्रेसका नेता डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) को स्वास्थ्य टोलीले काठमाडौँको पुरानो बानेश्वरमा निःशुल्क स्वास्थ्य शिविर गरेको छ ।
केएमसीको प्राविधिक सहयोगमा रोटरी क्लब अफ बानेश्वर र पुरानो बानेश्वर टोलबासी संस्थाको संयुक्त आयोजनामा पुरानो बानेश्वरमा सो शिविर भएको हो ।
शिविरमा ६३० जनाको परीक्षण गरेको केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिए ।
शिविरमा १०३ जनाको भिडियो एक्सरे, ७७ जनाको ईसीजी गरिएको थियो । १३० जनाको ल्याब परीक्षण भएको छ ।
५ जनाको दाँत झिकिएको छ । २४ जनालाई थप उपचारका लागि केएमसीमा रेफर गरिएको छ ।
डा. शर्माले सम्हालेपछि केएमसी र नोबेलले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।
