इराकको मोसुलबाट अक्टोबरपछि एक लाख बालबालिका पलायन : युनिसेफ

प्रकाशित मिति : २०७३ फाल्गुण २१ शनिबार
जनेभा (स्वीट्जरल्यान्ड) । संयुक्त राष्ट्रसङ्घ बालकोष (युनिसेफ) ले इराकी इस्लामिक स्टेट (आईएस) समूहकाको प्रभाव क्षेत्र रहँदै आएको मोसुलमा सैन्य कारबाहीलाई केन्द्रित बनाएपछि यहाँबाट झन्डै एक लाख बालबालिका यस क्षेत्रबाट बाहिरिएको शुक्रबार जनाएको छ । 
 
इराकी सेनाले सन् २०१६ को अक्टोबरदेखि आईएस नियन्त्रित उक्त क्षेत्रलाई फिर्ता गराउने अभियान सुरु गरेको थियो । यो तथ्याङ्क विगत एक हप्ताको समयमा सेनाले मोसुलको पश्चिमी भागलाई नियन्त्रणमा लिने प्रयासमा दोस्रो चरणको सैन्य कारबाहीलाई सुरु गरेपछि पलायन भएका १६ हजार बालबालिकासहितको भएको युनिसेफले जनाएको छ । 
 
हमान अल अलिलमा भेट भएका मोसुलवासी अभिभावकसहित धेरैजसो बालबालिका सेनाद्वारा सञ्चालित यातायातको सहायतामा मोसुलबाट बाहिरिएको युनिसेफलका क्षेत्रीय सल्लाहकार वास्टिन भिग्नेउले बग्दादबाट टेलिफोनमार्फत जानकारी गराए । उनका अनुसार बालबालिका मोसुलमा भएका घटनाबाट थकित र भयभित भएको पाइएको छ । मोसुलको पूर्वी भागलाई १०० दिन लामो सैनिक अभियानपछि गत जनवरीमा विद्रोहीको कब्जाबाट फिर्ता ल्याइएको थियो । 
 
उक्त घटनाले बालबालिकाको मनमस्तिष्क विस्फोटको त्रासले भरिएको भेटिएको बताइएको छ । संयुक्त राष्ट्रङ्घको अनुमान अनुसार पश्चिमी मोसुललाई विद्रोहीबाट स्वतन्त्र बनाउने क्रममा दुई लाख ५० हजार मोसुलवासी विस्थापित बनेका छन् । उक्त क्षेत्रमा अझै सात लाख ५० हजार मानिस फसेका छन् ।सिन्ह्वा 
 
नयाँ