विद्यालयको जग्गामा बनेका घरटहरामा महानगरको डोजर [तस्बिरहरू]
हाम्रा कुरा
प्रकाशित २०८३ जेठ ५ मंगलबार
689
Shares
तस्बिर – नेपाल फोटो लाइब्रेरी ।
पोखरा । पोखरा महानगरपालिकाले अमरसिंह माध्यमिक विद्यालयको स्वामित्वमा रहेको जग्गामा निर्माण गरिएका अनधिकृत संरचनाहरू हटाउन डोजर परिचालन गरेको छ ।
मंगलबार बिहानै महानगरपालिकाको टोलीले सुरक्षाकर्मीहरूको सहयोगमा विद्यालयको जग्गा मिचेर बनाइएका घरटहराहरू भत्काएको हो । विद्यालयको जग्गामा लामो समयदेखि अवैध रूपमा विभिन्न भौतिक संरचनाहरू निर्माण गरी प्रयोग हुँदै आएका थिए ।
सार्वजनिक र शैक्षिक संस्थाको जग्गा संरक्षण गर्ने महानगरको नीति अनुरूप ती अनधिकृत टहराहरू हटाइएको महानगरपालिकाले जनाएको छ ।
संरचना भत्काउने क्रममा हुनसक्ने सम्भावित अवरोध र सुरक्षा संवेदनशीलतालाई मध्यनजर गर्दै घटनास्थलमा नेपाल प्रहरी र नगर प्रहरीको बाक्लो उपस्थिति रहेको थियो ।
यता पोखराको अमरसिंह चोकस्थित अतिक्रमित बस्तीमा पनि डोजर चलेको छ । मेयर धनराज आचार्यले उक्त अतिक्रमित बस्तीमा डोजर चलिरहँदा निरीक्षण गरेका थिए ।
