राष्ट्रिय सभामा विनियोजन विधेयकमाथि उठेका प्रश्नको जवाफ मन्त्रीहरूले दिँदै
हाम्रा कुरा
प्रकाशित २०८३ असार २२ सोमबार
215
Shares
काठमाडौँ। राष्ट्रिय सभाको बैठक आज अपराह्न १२:१५ बजे सिंहदरबारमा बस्दै छ। आजको बैठकका लागि संसद् सचिवालयले तय गरेको कार्यसूचीअनुसार ‘विनियोजन विधेयक, २०८३’ का विभिन्न शीर्षकहरूमाथि संसद्मा भएको छलफलका क्रममा सांसदहरूले उठाएका प्रश्नको सम्बन्धित मन्त्रीहरूले जवाफ दिने कार्यक्रम रहेको छ।
बैठकमा विभिन्न मन्त्रालयहरूको बजेट र कार्यक्रममाथि केन्द्रित रहेर जवाफ दिइनेछ। कार्यसूचीअनुसार आज युवा, श्रम तथा रोजगार मन्त्रालय र सूचना तथा सञ्चार मन्त्रालयको विनियोजन शीर्षकमा सांसदहरूले राखेका जिज्ञासाको सम्बन्धित मन्त्रीले उत्तर दिनेछन्।
यसैगरी संस्कृति, पर्यटन तथा नागरिक उड्डयन मन्त्रालय, शिक्षा तथा खेलकुद मन्त्रालय र स्वास्थ्य तथा खाद्य स्वच्छता मन्त्रालयसँग सम्बन्धित प्रश्नको पनि मन्त्रीले संसद्मा जवाफ दिने कार्यसूची छ।
बैठकमा भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयको बजेटबारे उठेका प्रश्नको जवाफ दिइनेछ। साथै महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालय, विज्ञान, प्रविधि तथा नवप्रवर्तन मन्त्रालय र कानून, न्याय तथा संसदीय मामिला मन्त्रालयको तर्फबाट पनि सम्बन्धित मन्त्रीहरूले संसद्मा उठेका प्रश्नहरूको सामना गर्दै स्पष्टीकरण दिने कार्यसूची तय भएको छ।
