-
-
-
-
काठमाडौँ । विश्वकप फुटबलको प्रिक्वार्टरफाइनल खेलमा अहिले अमेरिका र बेल्जियम भिडिरहेका छन् । खेलको मध्यान्तरसम्म बेल्जियमले २–१ ले अग्रता लिएको छ ।
बेल्जियमले ९ मिनेटमै गोल गर्दै अग्रता लियो । चार्लस डे केटेलएरेको गोलमा बेल्जियमले अग्रता लिएको हो । उनले निकोलस रस्किनको पासमा गोल गरेका हुन् ।
३१ औँ मिनेटमा अमेरिकी खेलाडी मलिक टिलमानले फ्रिकमार्फत सुन्दर गोल गर्दै टिमलाई १–१ को बराबरीमा ल्याए ।
त्यसको दुई मिनेटमै बेल्जियमका चार्लसले दोस्रो गोल गर्दै टिमलाई २–१ ले अग्रता दिलाए । उनले लिआन्द्रो ट्रोसार्डको पासमा हेड गोल गरेका हुन् ।
अमेरिका तेस्रो पटक विश्वकपको क्वार्टरफाइनलमा पुग्न चाहन्छ ।
अमेरिका सन् १९३० को पहिलो संस्करण र सन् २००२ मा क्वार्टरफाइनलमा पुगेको थियो ।
बेल्जियम भने दुई पटक सेमिफाइनलमा पुगेको छ । सन् २०१८ को विश्वकपमा तेस्रो भएको बेल्जियम १९८६ मा चौथो भएको थियो ।
को को पुगे क्वार्टरफाइनलमा ?
यसअघि नर्वे, मोरक्को र इङ्गल्याण्ड र स्पेन क्वार्टरफाइनलमा पुगिसकेका छन् ।
क्यानाडालाई ३–० ले हराउँदै मोरक्को क्वार्टरफाइनलमा पुगेको हो ।
त्यस्तै ब्रजिललाई २–१ ले हराउँदै नर्वे चौथो सहभागितामा पहिलो पटक क्वार्टरफाइनलमा पुगेको हो ।
त्यस्तै इङ्गल्याण्डले मेक्सिकोलाई ३–२ ले हराएर क्वार्टरफाइनलमा स्थान बनायो ।
स्पेनले पोर्चुगललाई १–१ ले हराएर क्वार्टरफाइनलमा स्थान पक्का गर्यो ।
