तुलसीपुर। नेपाल औषधि ब्यवसायी सघ राप्ति अंचलको अध्यक्षमा भुवनेश्वर वुढा मगर निर्विरोध चयन भएका छन् । शुक्रबार भएको संघको ८ औ अधिवेशन तथा साधारण सभाबाट मगर ३ वर्षिय कार्यकालका लागी निर्विरोध निर्वाचित भएका हुन् । त्यसैगरि अधिवेशनबाट थोक उपाध्यक्षमा युवराज धिताल र खुद्रा उपाध्यक्षमा बिष्णु पौडेल चयन भएका छन् ।
त्यसैगरि संघको महासचिवमा पाल्पालि मेडिकलका संचालक युवा ब्यवसायी राजेन्द्र श्रेष्ठ चयन भएका छन् । त्यस्तै समितिको सचिवमा निम कुमार रावत , कोषाध्यक्षमा प्रभात घिमिर र उपकोषाध्यक्षमा गिरीराज न्यौपाने चयन भए । यस अघि भएको अधिवेशन उदघाटनका अवसरमा बोल्ने बक्ताहरुले औषधि ब्यवसायीहरु एक भएर अगाडि वढदा सवैको हित हुने बताएका थिए । औषधि ब्यवसाय संवेदनशिल ब्यवसाय भएको भन्दै नाफाका साथै सेवाको भावनाले ब्यवसाय गर्नु पर्नेमा जोड दिएका थिए ।
निर्वतमान अध्यक्ष प्रकाश कुमार श्रेष्ठको अध्यक्षता तथा संघका पुर्व अध्यक्ष यम प्रसाद गुप्ताको प्रमुख आतित्थ्यतामा भएको अधिवेशन उदघाटन कार्यक्रममा तुलसीपुर उद्योग बाणिज्य संघका अध्यक्ष बिमल रिजाल ,पुर्व अध्यक्षद्धय मदन धिताल , तारा बहादुर थापा , रिपोटर्स क्लब दाङका अध्यक्ष शरद रेग्मी , ब्यवसायीहरु बालकुमार घर्ति , दामोदर पौडेल लगाएतकाले बोल्नु भएको थियो । सो अवसरमा सघको सांगठनिक प्रतिवेदन महासचिव राजेन्द्र श्रेष्ठले र आर्थिक प्रतिवेशन कोषाध्यक्ष प्रभात घिमिरेले प्रस्तुत गरेका थिए ।
