गणेश नेपाली प्रकरण छानबिन गर्न डीआईजी थपलियाको संयोजकत्वमा समिति गठन
हाम्रा कुरा
प्रकाशित २०८३ असार २६ शुक्रबार
339
Shares
काठमाडौँ । गणेश नेपाली आत्मदाह प्रकरणको छानबिन गर्न नेपाल प्रहरीका डीआईजी गोविन्द थपलियाको संयोजकत्वमा समिति गठन गरिएको छ ।
गृहमन्त्री सुधन गुरुङले प्रतिनिधि सभाको बैठकमा विशेष समय लिएर बोल्दै नेपाल आत्मदाह घटनाको सत्यतथ्य पत्ता लगाउन थपलियाको नेतृत्वमा पाँच सदस्यीय समिति गठन गरिएको जानकारी दिएका हुन् ।
उनले सोधपुछका लागि काठमाडौँ महानगरपालिकाका तीन जना नगर प्रहरीलाई नियन्त्रणमा लिइएको जनाए ।
उनले सो क्रममा गणेश नेपालीको बाइकमा नेपाल प्रहरीले नभई नगर प्रहरीले ह्वील लक लगाएको जानकारी दिए ।
सो क्रममा उनले तीन तहका सरकार रहेको र संघीय सरकारमात्रै रास्वपाको रहेको बताउँदै संसदमा सांसदहरूलाई संविधान पढाृउन आएको बताए ।
आक्रोश र पीडा दुवै मिसिएको भावमा संवोधन गर्दै मन्त्री गुरुङले सांसदहरूलाई यथार्थ नबुझी घोँक्रो नसुकाउन आग्रहसमेत गरे ।
