हवाइ। अमेरिकी राष्ट्रपति डोनाल्ड ट्रम्पले मुस्लिम बाहुल्यता भएका ६ देशका नागरिकलाई अमेरिका प्रवेशमा रोक लगाउने गरी जारी गरेको नयाँ आदेशलाई अमेरिकाकै एक अदालतले रोक लगाएको छ ।
हवाइ राज्यको एक संघीय अदालतले राष्ट्रपति ट्रम्पको नयाँ यात्रा प्रतिबन्ध सम्बन्धी कार्यकारी आदेश तत्काल कार्यान्वयन नगर्न आदेश दिएको हो ।
ट्रम्पको आदेशविरुद्ध अमेरिकाका विभिन्न अदालतमा मुद्दा दर्ता भएको थियो।
राष्ट्रपति ट्रम्पले ईरान, सिरिया, लिबिया, सुडान, यमन र सोमालियाका नागरिकलाई ९० दिनसम्म नयाँ भिसा नदिने सम्बन्ध आदेश जारी गरेका थिए ।
ट्रम्पको यो आदेश बिहीबार मध्यरातदेखि लागु हुँदै थियो ।
