कोलम्बियामा भीषण पहिरोमा परी कम्तीमा २०६ जनाको मृत्यु, २२० बेपत्ता

२०० बढी घाइते

प्रकाशित मिति : २०७३ चैत २० आइतबार

तस्वीर–एजेन्सी

पुतुमायो । दक्षिण पश्चिमी कोलम्बियामा भीषण पहिरोमा परी कम्तीमा २ सय ६ जनाको मृत्यु भएको छ । रातभर निरन्तर परेको वर्षापछि पुतुमायो प्रान्तका नदीका किनार क्षेत्र भत्किएसंगै बाक्लो माटोसहितको पहिरोले घरहरु बगाउँदा त्यतिठूलो संख्यामा ज्यान गएको हो ।

उद्धारमा खटिएको रेडक्रस सोसाइटीले पहिरोमा परी २२० बढी बेपत्ता भएको जनाएको छ । २ सय २ जना घाइते अवस्थामा उद्धार भएको छ ।

कोलम्बियाली राष्ट्रपति हुँवा म्यानुएल सान्तोसले घटनास्थलको निरीक्षण गर्दै राष्ट्रिय आपतकालीन स्थिति नियन्त्रण गर्न सुरक्षाकर्मी परिचालन गरिएको जनाएका छन् ।

समाचार एजेन्सी रोयटर्सका अनुसार १,१०० भन्दा बढी सैनिक र प्रहरीको संयुक्त टोली घटनामा खटिएको छ ।

स्थानिय गभर्नर सोरल एरोकाले पूरै बस्ती नै सखाप भएको बताएकी छिन् । खराव मौसमका कारण उद्धारमा कठिनाइ भइरहेको बताइएको छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।