रुसको सेन्ट पिटर्सवर्गमा विष्फोट हुदा कम्तीमा ११ जनाको मृत्यु, ४५ बढी घाइते

प्रकाशित मिति : २०७३ चैत २२ मंगलबार
तस्वीर–एजेन्सी
सेन्ट पिटर्सवर्ग । रुसको दोस्रो ठूलो शहर सेन्ट पिटर्सवर्गमा सोमवार मेट्रो सिस्टममा भएको विष्फोटमा परी कम्तिमा ११ जनाको मृत्यु भएको छ । सेन्ट पेटर्सवर्ग महानगरले दिएको प्रारम्भिक भनाईमा रेलको एउटा डव्वामा शङ्कास्पद वस्तु देखिएको र सोही वस्तु विष्फोट हुनसक्ने बताइएको छ ।  
 
रुसको आतङ्कवाद विरोधी राष्ट्रिय समितिले सेन्ट पिटर्सबर्गमा भएको विष्फोटपछि यातायात क्षेत्रमा देशभर सुरक्षा व्यवस्था कडा पारिएको बताएको छ । 
 
रुसी समाचार संस्था तास र इन्टरफ्याक्सका अनुसार सोमबार स्थानीय समयअनुसार दिउँसो ३ बजेर ४० मिनेट जाँदा रेलभित्र विष्फोट गराइएको थियो । 
 
रुसी सुरक्षाकर्मीले एक विष्पोट नभएको विष्फोटक पदार्थसमेत सेन्ट पिटर्सवर्गकै अर्को एक रेल स्टेसनमा भेटिएको दावी गरेको छ । 
 
 
विष्फोट लगत्तै राजधानी मस्कोलगायतका स्थानमा सुरक्षा सतर्कता थप बढाइएको छ । 
 
रुसी सिनेटर भिक्टर अजेरोवले इन्टरफ्याक्ससँगको प्रतिक्रियामा झट्ट हेर्दा घटना आतङ्कवादी आक्रमण जस्तो देखिएको र यसबारे अनुसन्धानपछि विस्तृत विवरण बाहिर आउने बताए । 
 
यसैबीच राष्ट्रपति पुटिनले विष्फोटबारे प्रतिक्रिया दिँदै रुसी अधिकारीले घटना आतङ्कवादी आक्रमण थियो वा अन्य कुनै समस्या हो भन्ने विषयमा अनुसन्धान अघि बढाइएको बताएका छन् । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ