अमेरिकाले सिरियामा कारवाही थाल्यो, ५९ क्रुज मिसाइल आक्रमण

प्रकाशित मिति : २०७३ चैत २५ शुक्रबार
तस्वीर–एजेन्सी

पेन्टागन । अमेरिकाले सिरियामा मिसाइल आक्रमण गरेको छ । सिरियाली शासकविरुद्ध क्रुद्ध हुने क्रममा अमेरिकाले ५९ टोमाहक क्रुज मिसाइलले आक्रमण गरेको जनाएको छ । यो आक्रमण नेपाली समय अनुसार बिहान ७ः२५ मा भएको बीबीसीले उल्लेख गरेको छ ।

सिरियाली शासक बशर अल असद नेतृत्वको सरकारले रासायनिक हतियार प्रयोग गरी सर्वसाधारणविरुद्ध ज्यादति गरेपछि अमेरिकी राष्ट्रपति डोनाल्ड ट्रम्प आक्रामक बनेका हुन् । 
न्यायका लागि आक्रमण गरिएको ट्रम्पले जनाएका छन् । 

अमेरिकाले गत मंगलबार सिरियामा गरिएको रासायनिक आक्रमण गम्भीर भएको र यसको जवाफ त्यही अनुसार नै दिनुपर्ने प्रष्ट पारेको थियो ।

उक्त रासायनिक आक्रमणमा २७ बालबालिकासहित थुप्रै सर्वसाधारण मारिएको बीबीसीले उल्लेख गरेको छ । 

सिरियाले भने अमेरिकाको आरोपलाई खण्डन गर्दै आएको छ । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ