शेखरले भने-एकै चरणमा निर्वाचन हुनुपर्छ, मोर्चालाई ल्याउनै पर्छ

कुमोद अधिकारी, प्रकाशित मिति : २०७४ बैशाख ३ आइतबार

विराटनगर । नेपाली काँग्रेसका केन्द्रीय सदस्य डा. शेखर कोइरालाले मधेसी मोर्चालाई सहमतिमा ल्याएर एकै चरणमा निर्वाचन गरिनुपर्ने बताएका छन् ।  

विराटनगरमा संचारकर्मीसँग कुरा गर्दै नेता कोइरालाले हिमाल, पहाड सबैतिर निर्वाचनका माहोल बन्दै गएकाले मधेसी मोर्चालाई पनि निर्वाचनमा सहभागि हुनेगरी वातवरण तयार गर्न सरकारसँग आग्रह गरे ।
नेता कोइरालाले मधेसी मोर्चालाई निर्वाचनमा सहभागि गराउने नेतृत्वदायी  भूमिका अब नेपाली काँग्रेसले खेल्नु पर्ने उल्लेख गरे । काँग्रेस सबैभन्दा ठूलो पार्टी भएकाले सहमति कायम गर्ने दायित्वपनि काँग्रेसको रहेको नेता कोइरालाले बताए ।

पछिल्लो चरणमा सरकारले ल्याएको संविधान संशोधन प्रस्तावलाई मधेसी मोर्चाले स्वीकार नगरिरहेको अवस्थामा अब काँग्रेसले नेतृत्वदायी भूमिका निर्वाह गरेर सहमति कायम गर्नुपर्ने कोइरालाको भनाई छ ।  
कोइरालाले दुई नम्बर प्रदेशलाई थाती राखेर निर्वाचन गरिए मुलुकमा भयावह स्थिति सृजना हुन सक्ने बताए । सीमाकङ्कको विषयलाई शक्तिशाली आयोग बनाएर टुंग्याउने गरी मोर्चासँग सहमति कायम गरेर निर्वाचनमा सहभागि हुने वतावरण बनाउनुपर्ने नेता कोइरालाको धारणा छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ