वडातहसम्म कार्यकर्ता परिचालनका लागि यस्तो छ गोकर्ण विष्टको ट्रिक

प्रकाशित मिति : २०७४ बैशाख ४ सोमबार

काठमाडौं । प्रमुख प्रतिपक्षी एमालेले आसन्न स्थानीय तह निर्वाचनका लागि कार्यकर्ता परिचालनका लागि नयाँ रणनीति बनाएको छ । एमाले मोर्चा संगठनको बैठक बठकले आसन्न स्थानीय निर्वाचनमा एमाले उम्मेदवारलाई विजयी गराउन भन्दै सबै जनसंगठनको शक्तिलाई निर्वाचनको तयारी र प्रचार–प्रसारको काममा परिचालन गर्ने निर्णय गरेको छ ।

पार्टी सचिव तथा मोर्चा प्रमुख गोकर्ण विष्टले वैशाख १० गतेभित्रमा जिल्लादेखि वडा तहसम्म सम्बन्धित पार्टी कमिटीसँग समन्वय गरी निर्वाचन सहयोग समिति गठन गरिसक्न निर्देशन दिएका छन् ।

बैठकले पार्टीका सबै जनसंगठनहरुले स्थानीय निर्वाचनको घोषणापत्रका लागि आ–आफ्नो संगठनका काम र विशेषताका आधारमा वैशाख ७ गते भित्रमा सुझाव तथा अवधारणाहरु पार्टीको घोषणापत्र मस्यौदा समितिसमक्ष पेश गर्ने निर्णय गरेको छ ।

यस्तै, २० गतेसम्ममा सबै जनसंगठनहरुले निर्वाचनसम्बन्धी अपिल लगायतका प्रचार सामग्री तयार गरी सम्बन्धित ठाउँमा लगिसक्नुपर्ने निर्णय समेत बैठकले गरेको छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ