-
-
-
-
प्योङयाङ । उत्तर कोरियाले अमेरिकाले युद्धका लागि उक्साइरहेको आरोप लगाउँदै यही शिलशिला कायम रहे परमाणु आक्रमणमा उत्रने चेतावनी दिएको छ ।
उत्तर कोरियाका उपविदेश मन्त्री हान सन योलले प्योङयाङले परमाणु तथा मिसाइल परीक्षणलाई हप्तैपिच्छे निरन्तरता दिने चेतावनी दिएको बीबीसीले उल्लेख गरेको छ ।
उपविदेश मन्त्री हानले आफ्नो देशले साप्ताहिक, मासिक र वार्षिक रुपमा मिसाइल परीक्षण गरिरहने प्रष्ट पारेका हुन् ।
अमेरिकाले सैन्य गतिविधि गरे कुनै पनि बेला युद्ध सुरु गर्न आफ्नो देश तयार रहेको चेतावनी पनि हानले दिएका छन् ।
त्यसअघि अमेरिकी उपराष्ट्रपति माइक पेन्सले दक्षिण कोरिया पुगेर उत्तर कोरियामाथि आक्रमण गर्ने चेतावनी दिएका थिए ।
