-
-
-
-
जर्मनी । अमेरिकी राष्ट्रपति डोनाल्ड ट्रम्प र रुसी राष्ट्रपति भ्लादिमिर पुटिन आमने सामने भएका छन् । जर्मनीमा भइरहेको जी–२० सम्मेलन चलिरहँदा यी दुई नेताहरु पहिलो पटक आमने सामने भएका हुन् ।
सो क्रममा दुई नेताबीच अमेरिकी चुनावमा रुसी ह्याकिङको आरोपबारे छलफल भएको छ ।
पुटिनले अमेरिकी चुनावमा प्रभाव पार्ने खालको कुनै गतिविधि रुसले नगरेको बताएको रुसी विदेश मन्त्री सर्गेइ लाभलोभले बताए ।
ट्रम्प र पुटिनबीचको वार्ता निकै गहन भएको अमेरिकी विदेश मन्त्री रेक्स टिल्लर्सनको भनाइ छ । वार्ताका क्रममा दुई नेताबीच सिरियामा संघर्ष विराम गर्न सहमति भएको छ ।
दक्षिण पश्चिमी सिरियामा संघर्ष रोक्ने सहमति आइतवारबाट लागू हुनेछ । सम्झौतामा जोर्डन पनि संलग्न रहेको छ ।
