कोरिया भाषा परीक्षामा बाह्र हजारभन्दा बढी उत्तीर्ण
प्रकाशित २०७४ साउन १० मंगलबार
559
Shares
काठमाडौँ । रोजगार अनुमति प्रणाली (इपिएस)मार्फत दक्षिण कोरिया जान गत जेठमा लिइएको भाषा परीक्षामा १२ हजार १ सय ८ जना उत्तीर्ण भएका छन् ।
मानव संसाधन विभाग कोरियाले लिएको परीक्षामा १२ हजार १ सय ८ जना उत्तीर्ण भएको वैदेशिक रोजगार विभाग नेपालअन्तर्गतको इपिएस कोरिया शाखाले जनाएको छ ।
उत्तीर्ण भएका उम्मेदवारले स्वास्थ्य परीक्षण, प्रहरी प्रतिवेदनलगायतमा सफलता प्राप्त गर्नुपर्ने शाखाले जनाएको छ । यसरी उत्तीर्ण भएकाहरु कोरिया जाने निश्चित भने हुँदैन । उत्तीर्ण भएकालाई प्रतीक्षा सूचीमा राखी कोरियाबाट आएको मागका आधारमा मात्रै उनीहरुलाई पठाउने गरिन्छ ।भाषा परीक्षाका लागि ७५ हजार ६ सय जनाले आवेदन दिएकामा गत जेठमा भएको परीक्षमा ६८ हजार मात्रै परीक्षार्थी सहभागी भएका थिए । रासस
