-
-
-
-
भेनेजुएला । भेनेजुएलामा संविधान संशोधनका लागि भएको संविधानसभा चुनावका बेलामा थुप्रै हिंसात्मक घटना भएका छन् । घटनामा कम्तीमा १० जना मारिएका छन् भने सयौं घाइते भएका छन् ।
मृत्यु हुनेमा संविधानसभाका एकजना उम्मेदवार र अर्का विपक्षी नेता पनि परेका छन् ।
५४५ सदस्यीय संविधानसभाका लागि ६,००० भन्दा बढी उम्मेदवार छन् तर त्यसमा एकजना पनि विपक्षी दलबाट छैनन् ।
विपक्षीले भने राष्ट्रपति निकोलास मडुरोको राजीनामा मागेका छन् ।
उनीहरुले मडुरोले शक्ति हातमा लिनका लागि संविधानसभाको नाटक रचेको प्रतिक्रिया दिंदै निर्वाचन नै वहिस्कार गरेका हुन् ।
