-
-
-
-
उर्लाबारी । मोरङको सुन्दरहरैचा–४ मा बाढीले बगाएर शनिबारदेखि बेपत्ता तीन वृद्धा अझै भेटिएका छैनन् ।
बूढीखोलामा आएको बाढीले स्थानीय लक्ष्मीनारायण शिव पाञ्चायन जानकी मन्दिर बगाउँदा सो मन्दिरमा बस्दै आएका ८७ वर्षीया गोमा कार्की, ८९ वर्षीया पुण्यमाता दाहाल र ७१ वर्षीया सीता थापामगर बेपत्ता भएका हुन् ।
बूढीखोला पूर्वतर्फ रहेको मन्दिर बाढीले बगाउँदा बेपत्ता भएका उनीहरु अझै फेला पर्न नसकेको र खोजीकार्य भइरहेको सुन्दरहरैचा नगरपालिकाका प्रमुख शिवप्रसाद ढकालले जानकारी दिए ।
बाढीले सो क्षेत्रका १६३ घर डुबानमा परेका थिए । रासस
